🔮Aaj 22 JAMADIL UKHRA •Yani• Khaleefa-e-Awwal, Ameer-ul-Mo'mineen, Khaleefat-ul-Muslimeen, Afzal-ul-Bashar Baa'd Al Ambiya, Asdaq-us-Saadiqeen, Sayyed-ul-Muttaqeen, Sahabi-e-Rasool, Yaar'e Gaar-e-Rasool, Jaa'n Nisaar-e-Rasool, Yaar'e Mazaar-e-Rasool, ★HAZRAT SAYYIDUNA ABU BAKR SIDDIQ (رضي الله تعالیٰ عنه) Ka YAUM-E-WISAAL Ka Din Hai.
● NAAM : Abdullah
● LAQAB : Siddiq-e-Akbar
● WAALID : Abu Qahafa
● WAALIDA : Salma Bint Sakhar
● WILADAT : HUZOOR(ﷺ) Ki Wiladat Se 2 Saal 2 Mahine Baad
● WISAAL : 22/6/13 Hijri (22 Jamadil Ukhra)
👉Aap Ki Seerat Ek Post Me Bata Paana Namumkin Hai Magar Husool-e-Faiz Ke Liye Chand Harf Aap Ki Shaan Me Likhta Hoon, Maula Qubool Farmaye…
▪️HUZOOR(ﷺ) Sallallāhu Alayhi Wasallam irshaad Farmate Hai Ki… Nabiyon Ke Baad Tamam Insaano Me Sab Se Afzal ABU BAKR SIDDIQ (رضي الله تعالیٰ عنه) Hai.
➡️Aap Ka Nasb Yun Hai Abdullah Bin Abi Qahafa Bin Usman Bin Aamir Bin Umar Bin Ka'ab Bin Sa'ad Bin Tayyum Bin Murrah Bin Ka'ab, Muraah Bin Ka'ab Par Aap Ka Nasb HUZOOR(ﷺ) Sallallāhu Alayhi Wasallam Se Jaakar Mil Jaata Hai…
🔸Aap Ke Baare Me Mashhoor Hai Ki Aapne Zamana-e-Jaahiliyat Me Bhi Kabhi Boot Parasti Nahi Ki Aur Na Kabhi Sharaab Pee, Jab Aap 4 Saal Ke The To Aap Ke Baap Aap Ko Lekar Apne Booto Ke Saamne Gaye Aur Unse Kaha Ki Yeh Hamare Mabood Hai Tum Inki Pooja Karo To 4 Saal Ke Siddiq-e-Akbar Un Booto Se Farmate Hai Ki… Me Bhookha Hoon Mujhe Khaana Do, Me Kuchh Kahna Chahta Hoon Mujhse Baat Karo, Jab Udhar Se Kuchh Jawab Nahin Aaya Toh Aapne Ek Patthar Utha Kar Us Boot Par Aisa Maara Ki Woh Aap Ke Jalaal Ka Taab Na Laa Saka Aur Chakna Choor Ho Gaya, Jab Aap Ke Baap Ne Yeh Dekha Toh Aap Ko Tamancha Maara Aur Ghar Wapas Le Aaye, Aur Apni Biwi Se Saara Waqeeya Kah Sunaya To Woh Farmati Hai Ki Ise Iske Haal Par Chhod Dijiye Jab Yeh Paida Hua Tha To Kisi Aawaz Dene Waale Ne Yeh Kaha Ki Mubarak Ho Tujhe Ki Yeh MUHAMMAD(ﷺ) Sallallāhu Alayhi Wasallam Ka RAFEEQ Hai Mujhe Nahin Maloom Ki Yeh MUHAMMAD(ﷺ) Sallallāhu Alayhi Wasallam Kaun Hai…
▪️Mardo Me Sab Se Pahle Aap Imaan Laaye Aur Sab Se Pahle HUZOOR(ﷺ) Ke Saath Namaz Padhne Ka Sharf Aap Ko Hi Mila…
🔹Aapne Do Martaba Apni Poori Daulat HUZOOR(ﷺ) Ke Qadmo Par Daal Di…
▪️Aap Ka Laqab SIDDIQUE Hone Ka Bada Mashhoor Waqiya Hai Ki Jab HUZOOR(ﷺ) Sallallāhu Alayhi Wasallam Meraj Sharif Se Wapas Aaye Aur Yeh Waqeeya Logon Me Bayaan Kiya To Abu Jahal Bhaagta Hua Abu Bakr Ke Paas Pahuncha Aur Kahne Laga Ki Agar Koi Kahe Ki Me Haalat-e-Bedaari Me Raat Hi Raat Saaton Aasman Ki Sair Kar Aaya, Jannat Dozakh Dekh Aaya, Khuda Se Bhi Mil Aaya To Kya Tum Yaqeen Karoge Aapne Farmaya Ki Nahin To Kahne Laga Ki Jiska Tum Kalma Padhte Ho Woh MUHAMMAD(ﷺ) To Logon Se Yahi Kah Rahe Hai, To Aapne Farmaya Ki Kya Waqayi Wo Aisa Kahte Hai.? To Abu Jahal Bola Ki Haan.! Wo Aisa Hi Kahte Hai, To Aap Farmate Hai Ki Jab Wo Aisa Kahte Hai To Sach Hi Farmate Hai, Ab Jab Aapne Us Waaqiye Ki Tasdeeq Ki To Wo Mardood Wahan Se Bhaag Nikla Aur Usi Din Se Aap Ko SIDDQUE Ka Khitab Mila…
🔸Aapne HUZOOR(ﷺ) Ki Maujoodgi Me 17 Namazo Ki Imamat Farmayee…
▪️Aap Ke Khalifa Banne Par Sabse Pahle HAZRATE UMAR FAAROOQ Radi Allahu Ta'ala Anhu Ne Aap Ki Baiyat Ki…
🔹Jab Aapne Tamam Maal Luta Diya To Faqirana Libaas Me Baargah-e-Nabwi Me Haazir The Ki HAZRAT JIBREEL ALAIHISSALAM Haazir Hue Aur Kaha Ki Aye Siddique.! Aap Maaldaar Hote Hue Bhi Aise Kapdo Me Kyun Hai To HUZOOR(ﷺ) Sallallaho Taala Alaihi Wasallam Farmate Hai Ki Unhone Apna Poora Maal Deen-e-Islam Par Kharch Kar Diya To HAZRAT JIBREEL ALAIHISSALAM Farmate Hai Ki ALLAH Rabbul Izzat Ne ABU BAKR Ko Salaam Bheja Hai Aur Poochha Hai Ki Kya is Haalat Me Bhi Abu Bakr Mujhse Raazi Hai.? Itna Sunte Hi Hazrate Abu Bakr Siddique Radi Allahu Taala Anhu Wajd Me Aa Gaye Aur Ba Aawaze Buland Yahi Farmate Rahe Ki Main Apne Rab Se Raazi Hoon Main Apne Rab Se Raazi Hoon, ALLAH ALLAH Kya Shaan Hai Siddiqe Akbar Ki Khud Maula Unse Poochh Raha Hai Ki Kya Tum Mujhse Raazi Ho… ALLAHU AKBAR ALLAHU AKBAR…
▪️Aap Wo Muqaddas Sahabi Hai Jinki 4 Pushte Sahabiyat Se Sarfaraz Hai, Aap Ke Waalidain Imaan Laaye Aur Sahabi Hue Aap Khud Sahabi Hue, Aapki Aulaad Me Muhammad Wa Abdullah Wa Abdurrahman Wa Sayyadna Aaysha Wa Sayyadna Asma Sab Ke Sab Sahabi Hue Aur Aapke Pote Muhammad Bin Abdurrahman Bhi Sahabi Hue Ye Fazilat Aapke Siwa Kisi Ko Haasil Nahin… (Ridwanullahi Ta'ala Alayhi Azmaeen)
🔸Aapka Aur Maula Ali Ka Haalt-e-Janabat Me Bhi Masjid Me Jaana Jayaz Tha…
▪️2 Saal 3 Mahine 11 Din Aapki Khilafat Rahi…
🔹Aapse Kayi Karamtein Bhi Zaahir Hai, Jab Aapka Wisaal Hone Laga To Aapne Apni Pyari Beti Sayyadna Aaysha Siddiqa Radi Allahu Ta'ala Anha Ko Bulaya Aur Farmaya Ki Beti Mera Jo Bhi Maal Hai Usey Tumhare Dono Bhai Muhammad Wa Abdur Rahman Aur Tumhari Dono Bahne Hai Unka Hissa Quran Ke Mutabiq Baat Dena Is Par Aap Farmati Hai Ki Abba Jaan Meri To Ek Hi Bahan Hai Bibi Asma Doosri Bahan Kaun Hai To Aap Farmate Hai Ki Meri Ek Biwi Bint Khareja Jo Ki Haamila Hai Unke Batan Me Ek Ladki Hai Wo Tumhari Doosri Bahan Hai, Aur Aapke Wisaal Ke Baad Aisa Hi Hua Unka Naam Umme Kulsum Rakha Gaya Isme Aapki 2 Karamat Zaahir Huyi Pahli To Ye Ki Main isi Marz Me Inteqaal Kar Jaaunga Aur Doosri Ye Bhi Ki Paida Hone Se Pahle Hi Bata Dena Ki Ladka Hai Ya Ladki…
▪️Aapki Umr 63 Saal Huyi Aapki Namaz-e-Janaza Hazrate Umar Farooq Radi Allahu Ta'ala Anhu Ne Padhayi Aur Khud HUZOOR(ﷺ) Sallallāhu Alayhi Wasallam Ki Ijazat Se Aapko Unhi Ke Pahlu Me Dafn Kiya Gaya, Ye Aapki Shaano Azmat Hai…
🔸Aapki Shaan Ko Samajhne Ke Liye Ye Tanha Hadees Hi Kaafi Hai HUZOOR(ﷺ) Sallallāhu Alayhi Wasallam Farmate Hai Ki… Agar Ek Palde Me Abu Bakr Ka Imaan Rakha Jaaye Aur Doosre Me Tamam Jahaan Waalo Ka To Siddique Ka Palda Sabse Bhaari Hoga, ALLAHO AKBAR ALLAHO AKBAR, Jara Sochiye Ki Doosre Palde Me Tamam Jahan Waalo Se Kaun Muraad Hai Agar Ambiya Ke Imaan Ko Mustasna Kar Bhi Diya Jaaye Tab Bhi Kya Ye Kam Hai Ki Usi Ek Palde Me Umar Farooq Ka Imaan, Usman Gani Ka Imaan, Maula Ali Ka Imaan, Tamaam Sahaba Ka Imaan, Phir Tamam Tabayeen Ka Imaan, Imaame Aazam, Imaam Shafayi, Imaam Maalik, Imaam Ahmad Bin Hambal Ka Imaan, Phir Duniya Bhar Ke Auliaya-e-Kaameleen Ka Imaan, Huzoor Ghaus-e-Paak Ka Imaan, Khwaja Gareeb Nawaz Ka Imaan, Makhdoom Ashraf Ka Imaam, Aala Hazrat Ka Imaan Aur Qayamat Tak Ke Paida Hone Waale Tamam Auliya, Abdaal Wa Tamam Muslemeen Ka Imaan Sab Ek Hi Palle Me Aur Doosre Me Sirf Abu Bakr Ka Imaan, Phir Bhi Abu Bakr Ka Imaan Sab Par Bhaari, YA ALLAH Kaisa Imaan Tha Unka, MAULA Se Dua Hai Ki Apne Usi Bande Ke Imaan Ka Ek Zarra Hum Tamam Sunni Musalmano Ko Nawaz De Taaki Hamari Duniya Aur Aakhirat Dono Kaamyab Ho Jaaye Aameen… Aameen… Aameen… Ya Rabbul Aalameen Bijaheen Sayyadul Mursaleen Sallallāhu Alayhi Wasallam.
•–⚀•RєԲ:➻┐
•📚TAARIKH-UL-KHULFA, PAGE No.:90–137.
•📚SHAAN-E-SAHABA, PAGE No.:80–94.
•📚MADAREJUN NUBUWAT, JILD-2, PAGE No.:914.
•📚TAFSEERE NAEEMI,JILD-2, PAGE No.:547.
• 🌺🌺🌺🌺🌺🌺🌺🌺
• 📶Ä̤M̤̈N̤̈-Ö̤-M̤̈Ṳ̈Ḧ̤Ä̤B̤̈B̤̈Ä̤T̤̈ K̤i̤ C̤h̤h̤a̤o̤n̤ M̤e̤ K̤̈Ḧ̤Ï̤D̤̈M̤̈Ä̤Ä̤T̤̈ S̤ṳb̤h̤-̤O-S̤h̤a̤a̤m̤ K̤a̤r̤e̤n, ̤A̤a̤o̤ H̤um̤ S̤a̤b̤ M̤i̤l̤ K̤a̤r̤ P̤̈Ä̤Ï̤G̤̈Ḧ̤Ä̤M̤̈-Ë̤-N̤̈Ä̤B̤̈Ï̤(ﷺ) K̤o̤ A̤a̤m̤ K̤a̤r̤e̤…(إن شاء الله عزوجل).
• •━━✠✠✥✥━━✥✥✠✠━━•
0 Comments